Zubiak eraikitzen. Lanbide Heziketa, aukera gune bat

Miguel Altuna LHIIko ordezkaritzak FPEmpresa erakundeak antolatutako 12. Kongresuan parte hartu du, aurten “Zubiak eraikitzen. Lanbide Heziketa, aukera gune bat” lelopean ospatua. Topaketa honek Lanbide Heziketak gaur egun duen eginkizun estrategikoa azpimarratu du, hezkuntza, enplegua eta gizarte-eragileen arteko loturak indartuz.

Bi egunetan zehar, kongresuak hausnarketa eta esperientzia partekatzeko gune izan da, besteak beste, Lanbide Heziketaren eta unibertsitatearen arteko harremanak, inklusioa, nazioartekotzea, teknologia eta enplegagarritasuna bezalako gaiak jorratuz. Halaber, sektoreko aditu, erakunde publiko eta enpresen arteko elkarlana sustatzeko espazioak ere sortu dira.

Miguel Altunako ordezkaritzarentzat, kongresu hau aukera paregabea izan da Lanbide Heziketaren etorkizuneko erronkak eta aukerak gertutik ezagutzeko, baita beste zentro eta eragileekin harremanak sendotzeko ere.