LF4VET proiektua: Frantziako Arts et Métiers zentroan izan dugu bilera.

Miguel Altunako lantaldea Frantzian izan da LF4VET (“Learning factories for the pedagogical and digital transformation of VET systems”) proiektuaren baitako bigarren bilera transnazionalerako maiatzak 12 eta 13an.

Lehenengo eguneko bilera Cluny hirian kokatutako Arts et Metiers zientzia eta teknologia eskolan izan da. Bertan proiektuaren hurrengo pausuak adosteaz gain beraien tailerrak eta LAB LEAN 5.0 ikasfabrika bisitatzeko aukera izan dugu. Azken honen helburua da ikasleak sistemaren erdigunean jartzea, teknologia aurreratuek operadoreengan duten eragina aztertzea, etorkizuneko industriaren adierazpen zehatzak garatzea eta hezkuntzaren, negozioaren eta ikerketaren arteko loturak sendotzea. 

Bigarren egunean Chambéryko zentroan, ikasfabrika eta jasangarritasuna nola uztartzen dituzten ikusi dugu.